1- قول لسيد لشاد الحولي يطلقو ميبقاش شادو….حيت كيهز ليه راسو وكيجبد ليه جلد كيبان ليك نتا كبير فشكل

2- شد لحولي من صمطة ديال ضهرو ملي تلقى عا لعظومة بعد منو و زيد خلفة مع طريق

3- هز لحولي من لور الى لقيتيه خفيف حتا هو فوتو

4- فقضية سنان ….حل ليه فمو خاصك تشري سنان لحليب ولا تني …سنان لحليب غادي تلقا سنانو بيضين وصغار ومقادين ….وتني كتلقى جوج سنان الوسطانيين كبار ….والى لقيت 4 سنان كبار بارزين راه رباعي. مغاديش يطيب ليك لحم ديالو غير بعد .

5- قلب ليه لقزيبة ديالو خاص تكون فايتة لكعبة ديال رجليه….تلق الحولي وشوف الى كانو ودنيه مدلين وكيدور فبلاصتو مرة مرة رآه «  »داله «  » اي مريض بعد منو.

6- قول سلام عليكم وقلب هادشي كامل عاد هدر مع مول لحولي وخا يبقا ادوخك بالهدرة رآه مليح؛ وعلف نقي؛ وعطاني القد والقد ومبغيتش؛ متسوقش ليه… ملي تسالي تقلاب قولو شحال عطاوة فهاد الخير ….عقل على هاد الكلمة مزياان  » شحال عطاوك فهاد الخير »…. حيت 1000٪ غادي يكدب عليك… هاداك ثمن لغيقولك عطاوني راه هو لكيتمنا يبيعو بيه…. ونتا عينك ميزانك….ضور فسوق وسول على راسك…..حاول نهار لول. وتاني سير لسوق غير راسك. حتى تشوف سوق اش داير…عاد دي معاك. المدام ولا ولدك وامك. ملي تشري ضروري يكون معاك واحد. باش ماشي تشريه وميبغيوهش ليك مالين دار.

7- متشريش. بكري متزربش…وسير لسوق بكري حيت لمليح. كيكون مع لفجر.

8- ومتنساش التوكل على الله فالحولي.

والنصيحة الأخيرة وهي ان عيد الأضحى سُنة وشعيرة من الشعائر الدينية ماشي يكون انا لعندي اكبر حولي ونطفطح على الجيران حافظو على مدهبنا