بيسموا الشيطان ده نمرة الشامبوات، و هي النمرة الي قتلت أكبر عدد بشر في التاريخ، نبرة بنغالية ظهرت في أوائل القرن العشرين بين النيبال و الهند و قتلت حوالي ٤٣٦ إنسان قبل ما تموت بطلق ناري في عام ١٩٠٧.

عايز أقولك إن النمرة دي كانت شيطان حقيقي ملوش مثيل، كان عندها ذكاء خارق لدرجة إنها قدرت تغير نظام صيدها بحيث يتكيف مع الصيادين البشر و تقدر تتجنبهم و تتغلب عليهم.

من قوتها الجيش النيبالي إتدخل و حاول يصطادها لكنهم في النهاية كل الي قدروا عليه انهم يضيقوا الخناق عليها و يدفعوها للهرب من النيبال للهند حيث إستمرت في أصطياد البشر.

النمرة كانت بتصطاد البشر بس، كانت بتخطت مناطق صيد ضخمة و بعيدة و بتسافر بين القري بعد كل ضحية لمسافة تتجاوز ال٣٢ كيلو في اليوم علشان تضيع الصيادين و تصطاد أحسن فريسة.

النمرة كانت مرعبة و مفزعة لدرجة إن قرى و مدن بأكملها أتشلت تماما من الحركة، لدرجة إن الرجال كانوا بيخافوا يخرجوا من بيوتهم للشغل خوفا منها.

و بالنسبالنا إستهدافها للبشر بالذات هو أمر غريب بحد ذاته، لإن معظم الحيوانات حتى المفترسين بتتجنب البشر و ده علشان ضريبة إفتراس إنسان مش سهلة أبدا، و النمرة دي إفترست أكتر من ٤٠٠ إنسان، فأيه السبب؟..

بعد ما نجح الصيادين في قتلها بالرصاص، كشف التشريح إن النمرة كانت مصابة في أسنانها بطلق ناري من فترة طويلة جدا، الإصابة خلتها عاجزة عن أصطياد الحيوانات فقررت تصطاد البشر.

و حتى الكائن الي البشر أسموه بالشيطان، كانوا هما السبب في وجوده.